Go LB!

Sukatin ang lalim ko…

I.

Humarap ka sa kasalukuyang

humahabol sa’yo.

Pakinggan mo ang bawat katagang

sumabog sa nakaawang mong puso.

Tapatan mo ang pagdurusang

lumamon sa kaibuturan mo.

Bakit mas ginusto mong tahakin

ang daang papuntang impiyerno?!

II.

Hindi alintana sa iba ang pagdurusa mo,

sapagkat ang bigat ng dala-dala nila’y

kabiyak noong sa’yo.

Hindi lang ikaw ang niluto sa pulang palayok

na pinabayaang masunog.

Hindi lang ikaw ang anak ng Diyos!

III.

Mali ka kung inaakala mong

itim ang budhi nila.

Mali pagkat pati ikaw ay kasama,

hindi lang SILA!

Huwag kang magmalinis sa putik

na nakapulupot sa hubad mong katawan.

Dahil iyan ang magsisilbing mantsa

sa iyong pangalan!