Go LB!

Your virtual memory is full.

Ang daming laman ng utak, patong-patong, halo-halo. Ang hirap hanapin ng mga bagay o alaala na kailangan, hanggang sa matabunan, hindi na makita, makaligtaan, makalimutan.

Please delete files.

Sa sobrang dami, kailangan nang magbawas ng mga iniisip.Pero dahil sa sobrang dami, nalilito kung alin ang dapat tanggalin sa sistema, inaalala kung kakailanganin pa ba o hindi na.

Buti pa ang MP3 files sa computer pwedeng i-compress para lumaki kahit konti ang memorya, may espasyo pa para sa bagong pag-iisip, bagong alaala. Pwede ring burahin na ng tuluyan kapag napagsawaan na.

Your virtual memory is full. Please delete files to free memory space.

Sana ganun din kadali sa utak ng tao. Pwedeng garang magbura, luwagan ang espasyo para sa mga alaala.